Галеријата ОСТЕН е професионално дизајниран и опремен простор со површина од 120м2 и функционира мултинаменски. Просторот е матично место каде се организираат сите активности на ОСТЕН - уметност на хартија, како и Светската галерија на карикатури и Светската галерија на цртеж, но не е ограничен единствено за карикатурата и за цртежот. Напротив, во Галеријата ОСТЕН можат да се организираат изложби и од сите други уметнички продукции.
Ги охрабруваме сите уметници кои сакаат да организираат изложба во галеријата да ја пополнат пријавата за организирање
на изложба и да ја испратат на поштенската или електронската адреса на ОСТЕН. Сите пријави на уметниците кои ќе стигнат до 1. декември, по одобрувањето од страна на стручниот одбор на ОСТЕН – уметност на хартија, се вградуваат во временскиот распоред на програмските активности за следната година. Уметниците кои ќе пројават интерес за организаирање на изложби на цртеж, се автоматски учесници на следното издание на Светската галерија на цртеж.
Во зависност од годишната програма на ОСТЕН, просторот повремено е достапен за организирање на пригодни настани, како: програми од областа на културата и уметноста, промоции, коктели, приеми и сл. Заинтересираните за ваков тип соработка можат подолу да го погледнат Правилникот и да го пријават својот интерес со пријавата за организирање на настан на поштенската или електронската адреса на ОСТЕН.