Роден во Скопје, 1959 година. Основно училиште и гимназија завршил во Скопје. Од 1982 г., паралелно со студиите, работи во Музеј на град Скопје. Во 1987 г. дипломира на Институтот за историја на уметноста со археологија - Филозофски факултет - Скопје, од  кога и го добива звањето кустос во Одделението за историја на уметност при Музејот на град Скопје. Во 1998 г. го добива стручното звање Виш кустос. Постипломскиот труд со наслов Ликовната поетика на Димитар Кондовски го одбранил во 1998 г. под менторство на проф. др. Борис Петковски на Институтот за историја на уметноста при Филозофскиот факултет - Скопје. Од 1998 до 2000 г. е раководител на Одделот за историја на уметноста во Музејот на град Скопје. Од 2000 до 2007 г. е директор на Музејот на современата уметност - Скопје. Од 2007 година до денес работи како Кустос Советник во Музејот на град Скопје.
Објавил над стотина есеи, ликовни критики и текстови за теоријата на визуелните уметности. Автор е на неколку значајни студии од областа на историјата на уметноста и монографии за творештвото на македонски уметници.
Позначајни трудови се студиите за творештвото на Димитар Дичо Зограф (Ѓурѓа, Скопе 1997), Сергеј Андреевски (МГС, Скопје 1998)  Димитар Кондовски (Сигмапрес, Скопје 2001) Данчо Кал’чев (МГС, Скопје, 2009) и Таки Павловски (МГС, Скопје, 2011) како и монографијата за животот и делото на Димитар Кондовски (МАНУ, Скопје 2004);  збирките есеи Куси резови (Ѓурѓа, Скопје 2004) и Кога лавот го изеде сонцето (Темплум, Скопје, 2016); XX ВЕК: ЛИКОВНАТА УМЕТНОСТ ВО МАКЕДОНИЈА -  Македонија, милениумски културно-историски факти („Медиа Принт Македонија“ и Универзитетот „Евро Балкан, Скопје, 2013) и антологијата на современата македонска уметност ВИЗУЕЛНИТЕ УМЕТНОСТИ ВО МАКЕДОНИЈА - XX ВЕК, сликарство-скулптура-графика (ОСТЕН, Скопје, 2015).

Катрин БЕКЕР е куратор и автор во Берлин.
 
Студирала историја на уметност и Словенски студии на универзитетот Рур Бохум и на државниот универзитет Ленинград. Од 2001 г. работи како куратор и извршен директор, како и директор на Видео-форумот во Нојер Берлинер Кунстверин (н.б.к.). Врз основа на нејзините искуства во културната размена помеѓу Советскиот Сојуз и нејзините наследнички држави и Германија во 90-тите години, меѓукултурните изданија формираа фокусна точка во изложбените проекти на Катрин Бекер уште на почетокот на нејзината кураторска кариера. Таа критички рефлектираше на редефинирање на концептот на културата по распаѓањето на политичките блокови преку национални или регионални, но пред сè посебни културно-политички интереси. Работата на Бекер кулминираше со транснационални теми во глобален контекст, фокусирајќи се на улогата на визуелната уметност во општеството и комплексот на исклучување / вклучување во современите култури.
Од февруари 2020 година, Катрин Бекер е  директор на КИНДЛ - Центарот за Современа уметност во Берлин-НеоКелн.

Ларс Курулф Милер (р. 1950) е директор во  Борнхолм Музејот за современа уметност (Bornholms Kunstmuseum), Данска.
 
Студирал историја на уметност на универзитетот во Архус и архитектура на Политехнико ди Милано. Има куратирано бројни национални и меѓународни изложби во Данска, Шведска, Полска, Франција и Италија. Тој е автор на книги за музикологија, графика, сликарство и скулптура кои се објавени на повеќе јазици. Поранешен претседател е на управниот одбор на данските музеи на уметност, поранешен претседател на уметничко-историскиот советодавен одбор на Националната агенција за култура и поранешен претседател на современата  Данска опера. Тој е шеф на Управниот одбор и основачки директор на Биеналето на Борнхолмс. Како директор на Музејот за уметност Борнхолм од 1988 година, тој ја надгледува фондацијата (1993 г.) и проширувањето (2003 г.) на музејот и во моментов е ангажиран во воспоставување на новото големо продолжение на музејот.
Добил повеќе грантови и награди и е одликуван од кралицата на Данска.

Жолт ПЕТРАНИ (роден 1966, Будимпешта) живее и работи во Будимпешта.
 
По завршувањето на студиите по историја на уметност, тој станаува куратор на современата уметност во Маскарнок / Кунстхале Будимпешта во 1996 г. Негов интерес беше младата, предвесничка уметност од деведесеттите години на Унгарија. Подоцна организирал меѓународни проекти, кога работел како директор на Институтот за современа уметност во Дунашвирос, индустриски град близу Будимпешта. Во овој период, тој бил куратор на контроверзното шоу на групата Мала Варшава на Унгарскиот павилион на Венециското Биенале.
Во 2005 г. станува директор на Мачарнок / Кунстхале  Будимувапешта, каде се фокусира на големи меѓународни самостојни и групни изложби во продукција на установата.

Од 2011 година до денес е раководител на одделот за современа уметност во Националната галерија на Унгарија и предава менаџмент во уметноста во Меѓународната деловна школа, Будимпешта.