Нашата идеjа и потреба за организирање на Светска галерија на цртеж започна да се остварува со пристигнувањето на делата на уметници од сите страни на светот. Светскиата галерија на цртеж - Скопје 2009 е охрабрување дека таа наша потреба е заедничка. Визијата која како организатори ја имаме, е да потикнеме предизвици уметниците преку своите дела не само да се натпреваруваат, туку и да ја стимулираат креативната, спонтаната, тактилната и природната непосредност, паралелно да се развиваат со благодетите и искушенијата на човештвото во дигиталната епоха. Среќни сме поради големиот одѕив на уметниците и поради цртачките мајсторства во делата на уметниците кои ги доживуваме како наша духовна заедница. Нашите намери се да растеме со искуствата и идеите што ги добиваме и од делата на уметниците. Уметникот е во релација, комуникација и интеракција со се што го опкружува, но неговата личност треба да го има примарниот респект за да се разберат крајно суптилните нијанси при создавањето.

Затоа, како организатори наградите не ги поставивме во степенасто рангирање. Покрај Гран при за животно дело, ни се отвара прашањето и за Гран при за уметничко остварување на годината, додека наградата Светско културно наследство е наше оддавање на почит кон делото на уметник чии идеи и дела се релевантни за светската историја на уметноста.

Наградени автори:
Гран при за животно дело - ЈОЖЕ ЦИУХА, Словенија
Награда Светско културно наследство - ВИКТОР ВАЗАРЕЛИ, Унгарија