Проекти

УМЕТНИЦИ на ГОДИНАТА 2012

Во 2012, меѓу многубројните соработки воспоставени со македонските ументици, ја издвојуваме соработката со ТОНИ ШУЛАЈКОВСКИ, кој имаше јубилејна изложба во Галерија ОСТЕН (20 години творештво) и по тој повод подари 20 дела кои се сега во колекцијата на ОСТЕН, а зеде учество и на Светската галерија на цртеж - БИЕНАЛЕ НА ЦРТЕЖ, Скопје 2012. Имајќи ја во предвид до сегашната успешна соработка, а особено можностите и плановите за понатамошна соработка, ОСТЕН го прогласува ТОНИ ШУЛАЈКОВСКИ за УМЕТНИК НА ГОДИНАТА 2012.
Повеќе за авторот на: http://www.tonishulajkovski.com

Во рамките на манифестацијата, се доделува и НАГРАДА за ЖИВОТНО ДЕЛО на уметник кој го достигнал врвот на своето творештво и постигнал значителен успех (во земјата и меѓународно) во својот професионален живот, а со кого ОСТЕН имал одлична соработка и негови дела се наоѓаат во колекцијата на ОСТЕН. Минатата година остваривме извонредна соработка со ТРАЈЧЕ ЈАНЧЕВСКИ, уметник на кој во 1998 му беше доделен Златен медал - француски орден за чест и углед во уметноста од Академијата за уметност на Централна Европа во Париз, па во рамките на манифестацијата ОСТЕН му доделува НАГРАДА за ЖИВОТНО ДЕЛО.
Повеќе за авторот: http://www.trajcejancevski.mk
Трајче ЈАНЧЕВСКИ, цртеж, акварел, 110х190см
Тони ШУЛАЈКОВСКИ, цртеж, графит, молив во боја, 110х190см